Ganwyd Robert Mackay yn 1973, ac ennillodd radd mewn Geoleg Cherddoriaeth ym Mhrifysgol Keele yn 1995, tra’n astudio cyfansoddi cerddoriaeth electro-acwstig gyda Michael Vaughan. Mae’n darlithio yn bresennol ar Dechnoleg Gerddorol Greadigolym Mhrifysgol Hull, ac yn paratoi ar gyfer Doethuriaeth mewn Cyfansoddi ym Mhrifysgol Cymru, Bangor, dan ofal Andrew Lewis

Ennillodd eisoes wobrau rhyngwladol , er enghraifft yn Ngwyl Synthése dinas Bourges (1997 a 2001), ac EAR99 gan Radio Hwngari yn 1999. Perfformiwyd ei waith led-led Ewrop a’r DU (gan gynnwys darllediadau ar BBC Radio 3), ac yn yr America, yn Awstralia, ac yn Seland Newydd.

Yn ogystal a chyfansoddi, mae’n weithgar fel actor, unawdydd a offerynnwr. Mae wedi perfformio mewn amryw gyngherddau ayyb led-led y DU, ac wedi darlledu ar y Radio a’r Teledu. Mae’n cyfansoddi ac yn chwarae mewn sawl band a grwp, gan gynnwys y grwp Hip-Hop Cymraeg "Tystion", a bu’n cydweithio’n ddiweddar a John Cale (o Velvet Underground) yn y ffilm A Beautiful Mistake. Gyda hwy, bu’n canu ar BBC Radio 1, a chyda rhai actau rhyngwladol, ee PJ Harvey.

Bu’n aelod o Bwyllgor Gwyl Gerd Newydd Bangor o’r cychwyn, mae’n bresennol yn gweithredu fel Trysorydd..

Gellir archebu 6 CD o’i waith: ICMC98 oddiwrth ICMA, Soundworks oddiwrth www.digital-music-archives.com,

3 CD gan Tystion oddiwrth Ankst Musik a Fitamin Un, a Skuba Dunka oddiwrth Band Wagon Records.