Ganed Brian  Noyes yng Nghaerdydd. Cychwynodd eu astudiaethau cerddorol yng Ngholeg Cerdd a Drama Cymru, ble bu’n astudio’r gitar clasurol. Cafodd ei ddiddordeb mewn cyfansoddi ei feithrin yno hefyd, gyda gwersi gan Dr David  Wynne. Parhaodd i astudio gyda’r athro hwn tra’n gweithio tuag at ei radd ym Mhrifysgol Caerdydd, ac wedi hynny, aeth i Goleg Goldsmith yn Llundain, ble’r ennillodd radd uwch mewn cyfansoddi.

Yn ystod yr adeg yma clywyd darnau o’i waith am y tro cyntaf, yn yr ICA yn Llundain, ac yn lleol yn Ne Cymru  O dro i dro byddai’n mynychu ysgolion haf, yn Darlington yn adeg Sir Peter Maxwell Davies, ac hefyd yn yr Aldeburgh School of Advanced  Musical Studies, mewn gweithdai cyfansoddi dan Sir Harrison Birtwistle.  Perfformiwyd ei waith gan sawl Ensemble, er enghraifft Singcircle, Lontano, Music Projects London, a’r Hilliard Ensemble, yn lleol yn Ne Cymru ac mewn rhannau eraill o Brydain, a chan gerddorion eraill. Sefydlodd y Contemporary Music Ensemble Network, a’i arwain yn ystod y 1980au, ac arwain sawl grwp a cherddorfa arall. Bu’n weithgar ar wahannol adegau ym mywyd cerddorol cyfoes y fro, drwy ei gysylltiad ag Urdd Cerddoriaeth Cymru, Gwyl Gerdd Bro Morgannwg, Music Theatre Wales, ac eraill.