Cafodd ANDREW POWELL ei addysg  yn Ysgol Coleg y Brenin, Wimbledon a Choleg y Brenin, Caergrawnt, lle cafodd e radd Meistr mewn Cerddoriaeth. Yn yr ysgol astudiodd y piano dan arweiniad Malcolm Troup, offerynau taro dan arweiniad James Blades, a chyfansoddi dan arweiniad Cornelius Cardew. Cyn iddo fe fynd i Gaergrawnt, aeth e i ddosbarthiadau cyfansoddi gyda Stockhausen a Ligeti yn Darmstadt. Tra'n astudio yng Nghaergrawnt, sefydlodd y grwp "electroneg byw" "Intermodulation" gyda Roger Smalley a Tim Souster: rhoddodd y grwp sawl perfformiad cyntaf o weithiau gan Stockhausen, a hefyd o weithiau gan bob aelod o'r grwp. Ei swydd broffesiynol cyntaf ar ôl iddo fe adael Caergrawnt oedd fel unawdydd yn y "Proms": gweithiodd e ar ôl hyn gyda sawl cerddorfa - gan mwyaf gyda'r BBC Symphony Orchestra a'i arweinydd Pierre Boulez ac, yn ogystal, mewn grwp roc a chlasurol gyda'r offerynnwr taro meistrolgar o Siapan Stomu Yamash'ta.

Gweithiodd e fel trefnydd/arweinydd ar lawer o albymau gyda artistiaid "roc" annhebyg i'w gilydd fel Cockney Rebel a Cliff Richard, John Miles ac Al Stewart, Mick Fleetwood a Peter Hoffman, Chris Rea ac  Il Divo: ac fel cynhyrchydd a threfnydd i ddau o albymau cyntaf  Kate Bush, a hefyd gan artistiaid fel Chris de Burgh, Kansas ac Elaine Paige. Roedd e'n drefnydd, arweinydd a chyd-gyfansoddwr  i'r grwp "The Alan Parsons Project" ar ei 15 o albymau. Mae e wedi cyd-gyfansoddi caneuon gyda Al Stewart, David Pack, Alan Parsons, Stuart Elliott a Tim Rice. Cyfansoddodd e'r gerddoriaeth  i'r ffilmiau Ladyhawke  (Michelle Pfeiffer, cyf. Richard Donner) Rocket Gibraltar (Burt Lancaster, cyf.

Dan Petrie), Closed Circuit (Keith Allen, Film 4) ac mae e wedi cyfrannu cerddoriaeth i lawer o ffilmiau a rhaglenni teledu eraill byd-eang. Mae ei gatalog o gerddoriaeth gyngherddol yn cynnwys gweithiau gwahanol sydd wedi cael eu cyfansoddi i "Intermodulation" - sef, Plasmogeny, The Old Pavilion, a Terilament.  Cafodd ei Suite for Brass Quintet with Piano  ei gomisiynu a'i berfformio gyntaf gan "Equale Brass", gyda'r cyfansoddwr yn chwarae'r piano ym 1986 ym Mhrifysgol Cymru, Caerdydd. Cafodd Falstaff, i fand pres,  ei gomisiynu gan Peter Bassano, a chafodd ei berfformio gyntaf yn y "Cité de la Musique" yn Paris ym mis Gorffennaf 1998 gan y Grimethorpe Colliery Band yn cael ei arwain gan Bassano, a chafodd y gwaith ei berfformio ar ôl hyn dros y Deyrnas Unedig. Cafodd  Plasmogeny II, i utgorn, electroneg byw a thâp, ei ysgrifennu i John Wallace, a chafodd ei berfformio gyntaf gyda fe a'r cyfansoddwr ym Mhrifysgol Richmond, Virginia, ym mis Mai 1999, ac mae  wedi cael ei recordio ganddyn nhw ar gryno ddisc y cwmni "Deux-Elles."  Mae Within Those Radiances.... wedi cael ei gyfansoddi i'r Wallace Collection, a chafodd ei berfformiad cyntaf ganddyn nhw ym mis Rhagfyr 2000.

Mae comisiynau eraill gyda fe yn cynnwys Concerto Melyn  Coch, a gomisiynwyd gan  Fand Parc a Dâr: chwaraeodd y band y gwaith am y tro cyntaf gyda James Watson (utgorn) a Craig Roberts (arweinydd) ym mis Mai 2001: Fish Throw Stones a ysgrifennwyd i'r LCO yn 2002: Pied Beauty i gôr cymysg  digyfeiliant a chonsierto i utgorn, piano, offer taro a thannau.  Comisiynodd  Band Parc a Dâr hefyd Tair Cerdd  Sanctaidd  i faritôn, telyn, côr meibion a band pres, gwaith a gafodd ei berfformiad cyntaf ganddyn nhw ym mis Mehefin 2006 gyda Gareth Rhys-Davies a Catrin Finch. Variations Towards a Theme i ddau utgorn ac electroneg byw sydd wedi cael ei première yn Llundain ym mis Medi 2006 gan "Bella Tromba." Cafodd Living Stones, i gôr cymysg, pedwar utgorn, tri thrombôn ac organ, ei gyd- gomisiynu gan Eglwys y  Santes Fair, Abergwaun ag "Artswave", a chafodd ei berfformio gyntaf yn Eglwys Gadeiriol Tyddewi ym mis Hydref 2007. Mae Andrew newydd orffen gwaith i soddgrwth a thelyn, sef  Glasiad y Dydd dros Ben Dinas, i'w chwarae gan Nia Harries a Claire Jones  yn Llundain yn mis Mawrth 2008. Ar hyn o bryd mae e'n gweithio ar waith newydd i gerddorfa fawr, wedi ei gomisiynu gan Christopher Warren-Green, a gwaith i biano a thâp i'w athro piano Malcolm Troup, ac opera i blant.

CATALOG O WEITHIAU CYNGHERDDOL
 

<  recordiwyd ar BMG gan Y Côr Philharmonia a'r Cherddorfa Philharmonia : arweinydd Andrew Powell